آیدینلیق یولچوسو
آغاجدان آلما دردیم هیوادردیم،ناردردیم یار وصلینه چاتارسام داها باشقا یوخ دردیم ******** داغلاردا گوللر آچدی گوللر کولا دولاشدی آشیق چال بیر ساری تئل بلکه بو کونلوم آچدی ******** عزیزیم نار یاخجیدیر چالماقا تار یاخجیدیر آیریلیقا اوزگه له ر وصل اوچون یار یاخجیدیر ******** دریالاری گئچه ره م سولاریندان ایچه ره م من یارا چاتماق اوچون اوز جانیمدان گئچه ره م ******** یار اوزاقدان باخدی گئتدی اوره گیمی یاخدی گئتدی من کی هئچ آغلامازدیم یار منی آغلاتدی گئتدی ******** دریادا بیر سوسوز گول قیمتلی کن اوجوز گول فلک منی آغلادیر کونلوم دئییر بوراخ،گول ******** من آشیقم داغلارا چیچکله نمیش باغلارا آیریلیقا دوزه نمه ز بو کونلوم هئی آغلارها ******** من گئچه ره م بو داغدان کهلیک قالخار پوتاخدان آیریلیق یامان درددیر چوخ چکمیشم بو داغ دان ******** عزیزیم گونلر دارالدی داغلاری قروو،قار آلدی یار سنی چوخ گوزله دیم گونون قاشی قارالدی(گون باتدی) کریم کریم زاده(بئکوو۱۳۸۸/۵/۳۱) قویونلارین آلاسی ساغارلار مله ر بالاسی ایسته سن دوغرا منی وورما کونول یاراسی ****** ایستیره م بیر ساز آلام آلیب چیگنیمه سالام کونلوم هاچان توتولسا بیر یانیخ کرم چالام ****** گئنه کونلوم توتولوبدور دیزده طاقت قورتولوبدور عجل ده ن آمان ایسته دیم دئدی عومرون قورتولوبدور ****** سن کونلومون پاراسی سن دردیمین چاراسی هر دردین درمانی وار درمانسیز دیل یاراسی ****** عزیزییم بو ائلین بو اوبانین ، بو ائلین چوخلو سونمه ز کوزو وار بو اوجاغین ، بو ائلین ****** عزیزییم گون باتار گئجه گله ر گون باتار قیامت بیر گوندور کی آنا اوز بالاسین آتار ****** عزیزییم قارقالار اوجا داغدا قارقالار گویده قارتال اولماسا گویو توتار قارقالار ****** ۱۳۸۸/۴/۱۲ کریم کریم زاده (بئکوو) عزیزیم سایا سایا ایل بولوندی۱۲ آیا منیم بوتون حایاتیم باغلیدی اولدوز ، آیا ******* عزیزییم بیر نارین بیر آلمانین،بیر نارین من یارا گیزلی باخیب گوله رم نارین،نارین ******* اوره گیم یارالاندی کومور تک قارالاندی نامرد آراز الینده ن ائللریم آرالاندی ******* منیم یئریم جهننم باشقا یئری بینمه م آللاه یاریمی قورو من اولسم ده جهننم ******* عزیزیم قاراداغدا مرد اوغول قاراداغدا اینسانلیقی پوزورلار اوتایدا ، قاراباغدا ******* منیم ائلیم جانیمدیر ناموسوم ، ویجدانیمدیر سورسالار وارلیقیمدان سویله ره م آذربایجانیمدیر ******* عزیزیم قاتار گئده ر یار یارا باخار گئده ر دوست وار ایستییه ر سنی دوستدا وار آتار گئده ر ******* خمار باخما گوزله سن گله جه گم گوزله سن آیریلیق سونا چاتار ویصال گله رل گوزله سن ******* عاشیق الینده ساز اولار گوزه ل لرده ناز اولار خوش گونله ر یاخیندادیر پیس گون عومرو آز اولار ******* عزیزیم قالان اولدو عومروموز تالان اولدو بیر دوستا بئل باغلادیق سوزله ری یالان اولدو ******* دوستون دردین دوست بیله ر ایری لری دوز سیله ر بیر پیس درده دوشموشم درمانین کیمله ر بیله ر؟ ******* عزیزیم گول ، آغلاما اوره کله ری داغلاما چالیش بیر چوره ک قازان نامرده بئل باغلاما ******* ۱۳۸۸/۲/۱۸ کریم کریم زاده(بئکوو) چالیشاق حاق دانیشاق،سویله مییه ک یالانلاری باشاردیقجا ال توتاق چک مییه ک بیز آیاقلاری هر ایشده یاردیم ائده ک ، آرخا اولاق ائلیمیزه چالیشاق دایاق اولاق ، آشیرمایاق دایاقلاری مظلوما کومه ک ائده ک ، ظالمین کوکسون قوروداق چالیشاق صولح ائلییه ک ، یاندیرمایاق بایراقلاری اسکی ده ن بیرمثل وار کی دوزلوگه یوخدور زاوال چالیشاق دوزلوگ اولسون ، اوجالدمییاق آلچاقلاری اوزگه دیللرین آتیب اوز دیلیمیزده دانیشاق چالیشاق بیز بیرلیگه ، آیاقلییاق قالتاقلاری قورویاق قوروقلاری ، چاشمایاق اوزوموزده ن بیز هر ایشه ال قویمایاق ، سیندیرمایاق یاساقلاری باشاردیقجا آخار اول دورما بیر یئرده همیشه سئل اولوب آشیب داشاق ، تمییزلییه ک چایلاقلاری وارلیقیمیز تالانیر ، یوخلامایین آی میللت چالیشاق میللت اویانسین ، یوخلادمییاق اویاقلاری ۲۸/۲/۱۳۸۸ کریم کریم زاده(بئکوو) گئنه کونلوم هاوالاندی ایسته دیم شئعر یازام الده قلمین رنگی جالاندی گور حالیم نه یاماندی ****** ایندی آلچاقلار اوجالاندی یامان سوزله ر الینده ن اوره گیمده درد ، درد اوسته قالاندی گور حالیم نه یاماندی ****** دئدیلر کی بو دونیاده یالاندی هامی اینسان گئدمه لیدیر بیر گون بیر یاخجیلیق ، بیر پیسلیق قالاندی گور حالیم نه یاماندی ****** آرامیزا بیر آراز آدلی چای جالاندی بو آرازین الینده ن ائللر آرالاندی گوره سن بو آراز دونیا بویو آخاندی؟ گور حالیم نه یاماندی ****** دونیا سئوگیله ری درده سالاندی بو ویجدانسیز فلکین قانلی الینده ن چوخ سئوگیله ر اوز سئوگیسینده ن آرالاندی گور حالیم نه یاماندی ****** بیلمیره م نه دن چوخ اوره گله ر قارالاندی عومرووون یاشیل چاغلارینین قدرینی بیل کی بیر گون بو یاشیللیق دا سولوب ، سارالاندی گور حالیم نه یاماندی ****** گور حالیم نه یاماندی دوست وار کی ساتار دوستونو پولا ایندی چوخ دوستلوقلاردا یالاندی گور حالیم نه یاماندی ****** ۱۳۸۸/۲/۳۰ کریم کریم زاده(بئکوو) هامینین یاشاییشی سئوگیله دولوب منیم یاشاییشیم حسره تله....! ۱۳۸۸/۲/۲۸ کریم کریم زاده (بئکوو) کونلومون کیچیک باخچاسیندا بیر سئوگی اکدیم سنین سئوگینی گوزله دیم سن گله سن گوز یاشیملا او سئوگینی بئجه رددیم آمما سن گه لمه دین گه لمه دین عومرومون قیشی یئتیشدی قار دوشدو ـ بوران ـ شاخدا دوشدو گئنه گه لمه دین گوز یاشلاریم دوندو و باخچاداکی اکدیگیم سئوگینی شاختا سولدوردو...! گئنه سن گه لمه دین گه لمه دین.....! ۱۳۸۸/۲/۲۶کریم کریم زاده(بئکو) ما همیشه وهمه جا و از همه کس شنیدیم که دزدی در شب صورت می گیرد نه در روز و اگر در روز هم دزدی بخواهد دزدی کند همیشه از جایی یا خانه ای دزدی می کند که کسی در آنجا نباشد و دیده نشود. ولی در شهرستان ورزقان دزدی بصورت روزانه و در روز روشن در میان مردم و در مقابل چشم همه صورت می گیرد.چرا که هر روز دهها تریلر کمرشکن که هر کدام شامل حدود ۲۵ تن محموله دزدی از خاک ورزقان و مردم ورزقان است صورت می گیرد. چرا که جنگل های سر سبز ورزقان از بین می روند و خاک ورزقان کنسانتره (مس )شده و به کرمان می رود چرا هر روز باید صدها میلیون تومان از خاک ورزقان در روز روشن غارت شود و آب از آب تکان نخورد؟ چرا باید در همین سونگون که هر روز دهها فرصت شغلی ایجاد می شود افراد دیگری غیر از ورزقانی در آن فرصت گماشته شوند ؟چرا باید از این سونگون به جز گرد و غبار و آلودگی زیست محیطی چیز دیگری شامل حال مردم این دیار نشود؟چرا باید جوانان شهرها و استانهای دیگر در ورزقان کار کرده در حالی که جوانان همین ورزقان بیکارند و بی پول؟ چرا باید هیچ مسئولی به مشکلات ورزقان و ورزقانی رسیدگی نکند؟چرا بایدغارتگران در روز روشن ورزقان را غارت کنند وکسی نتواند حتی یک اعتراضی بکند؟چرا باید سرنوشت ورزقان را دیگران تعیین کنند؟و چرا باید شخصی که در آمدش از ورزقان و سونگون است مردم ورزقان را عقب مانده خطاب کند؟ و خیلی چراهای دیگر.......... ورزقان بولگه سییم خوش دئییل روزگاریم ایکی گوزمون قاباغیندا تالانیر هرنه واریم داشینیر گون به گون هر اوووج توپراقیم هاردا قالیبسیز ایگیدلریم هانی ستاریم؟ تالانیب چاپیلیب داشینیب گئدیره م دییه سن اوز چونده ریب منده ن تاریم یابانجیلار چالیشیر ایشلیییر پول آپاریر اوز ائویمده بئکار قالیب اوز اولادلاریم چو خ یارا سالدی اوره گیمه اوزگه کیمسه لر داها گئدمه کده دیر الده ن صبرو قراریم نییه اللاه منی بو قده ر اینجیدیسن داها گئدمه کده دیر الده ن ناموسوم همده آریم هی جاماعات نییه یاتدیز اویانین من اوجوز دئییلم چوخدور قیزیلدان عیاریم خوش گونون دوستو چوخ اولدو گوره سن دار گونده اولان کیمدیر دوست و یاریم من سیزین توپراقیزام هامی بونو بیلمه لیدیر ایگید اول دور آیاقا قویما گئده الده ن ویقاریم چیغیر هویکور باغیر اوز حاققو چاغیر قوی سنه فخر ایله سین بوتون آذر دیاریم ۱۳۸۸/۲/۲۳ کریم کریم زاده (بئکو) ......... قویون دئییم من سیزه بیر گون گئددیم تبریزه سویله دیلر کی منه نییه گلدین تبریزه...؟ دئدیم باخین آ دوستلار سویله یه جگم سیزه نییه گلدیم تبریزه گلدیم بوردا باغیرام نییه ظولم ائدیللر بیزه؟ حامی اینسان بشرلر اوز دیلینده یازارلار گوره سن نه ده ن بیزده بو قایدانی پوزورلار؟ بیز مگر نیله میشیک؟ کیمین حاققین چینه میشیک؟ بیزی بو جور قوغورلار دیلیمیزی بوغورلار بیری قالخدی آ میللت هارای هارای من تورکم بیری اوردان سویله دی بابکین سربازییم من بیرده ن سویله دیم کی تورک دیلیند مدرسه اولمالیدیر هر کسه بیرده ن بیری سویله دی جمعین آرزیسی نه دیر؟ بیری اویاندان دئدی یا آزادلیق یا اولوم هره سوزون دئییردی آزادلیق ایسته ییردی بیرده ن قوشون توکولدو میللت جمعی سوکولدو آزادلیق ایستییه نین دوداقلاری تیکیلدی بیر یاندان گولله سسی بیر یاندان باتین یئنمه سی آیاق آلتدا قالیردی آزادلیقین کلمه سی مکتبلر باغلانیردی دوستاقلار آچیلیردی آزادلیق سویلییه نین باشی داردا قالیردی دئییرلر حقوق بشر گورمه دیک اوندان اثر حقوق بشر نه دیر؟ بو نه جور بیر کلمه دیر؟ ایندی بوردا سسلییه ن اوز حاققینی ایستله ین ضد بشر ساییلیر دوستاقلارا یاییلیر هه سویله ییم من سیزه توتدولار چوخ میللتی سورمادیلار عیللتی منده اونلارین بیریدیم اولمه میشدیم دیریدیم آپاردیلار دوستاقا تیکه میز دوشدو یاغا سالدیلار حپسه بیزلری چکدیلر زنجیرلری حامی بیر کلمه اوسته قالمیشیدی حپیسده او کلمه بیلدین نه دی؟ آذربایجان کلمه سی هر تورکون دیل نغمه سی سووشدی صاباح سحر باشلادیلار موختصر بیزی دویوب چیپماقا سوردولار کئفین آقا؟ نه ده ن دوشدون دوستاقا؟ دئدیم من او آخماقا حاققیمی ایسته دیم قاقا دئدی سنین حاققین یوخ آزادلیقدا پایین یوخ دئدیم نه ده ن؟ سویله دی چوخ دانیشیرسان قاقا هر گون گئدنده بیزلر بازجویویا اوتاقا دار آغاجین گوره ردیک اونا سلام وئره ردیک اودا دیه ردی بیزه علیکیم سلام قاقا من چوخ حاققی بوغموشام ناحاقلاری دوغموشام بو کلمه نی بیزلره سویله دی دار آغاجی هه دوستلار سیزه دئییم بو گونله ر تئز سوووشار یار یارینا قوووشار آللاهدان من ایسته ره م آذربایجان میللتی قوووشسون اوز یارینا آزادلیق ایلقارینا بلی چوخ چالیشمیشیق اوت دوتوب آلیشمیشیق اوت اولموشوق خولاصه نا حاقلاری یاندیریب حاققی جوجه رده جه ییک بوتون حاق دوشمنینین جزاسین وئره جه ییک بلی سیزده چالیشین آزادلیقا آلیشین یاندیرین نا حاقلاری قالدیرین بایراقلاری بوتون تورکله ر بیر اولسون بایراقیمیز قورولسون گون گله ر دوران کئچه ر حاق نا حاققی یاندیرار آزادلیق ایستیه نله ر دوستاقلاری سیندیرار ۱۳۸۸.۲.۱۹ کریم کریم زاده (بئکو)
| قالب وبلاگ :: :: كدهای جاوا |
درباره سايت
گئنه حاق سئل کیمی دریایه آخیب یول تاپاجاقدیر
داش آتماقیلا کیمسه اونو دونده ره بیلمه ز
دونیاده قارانلیقلار اگر بیرلشه با هم
بیر خئرداجا شمعین ایشیقین سوندوره بیلمه ز
منوی سايت
پيوندهای روزانه
آرشيو سايت
پيوندهای سايت
طراح قالب
امكانات سايت